Bismilaahi raxmaani raxiim

Asalaamu calaykum waraxmatulaahi tacalaa wabarakaatu

Walaalayaal salaantaas islaamka ka dib, waxaynu sii amba qaadaynaa magacyadii suubanaa ee illahay. Waxay inoo joogtay magaca 35aad markaas maanta halkaas ayeynu kasii qaadaynaa hadii illahay ka dhigo.

36- ASH-SHAKUURU

Yaa Shakuuru, isagoo leh qofkii ku celceliya magacan 41 jeer, maalin kasta haduu dareemayey culeys xagga dhaqaalaha, xaga cafimaadka ama xaga maskaxda ah illaahey wuu ka qaadayaa culeyska. Inshalaah

37- AL-CALIYU

Yaa Caliyu, isagoo leh qofkii ku celceliya magacan markasta, kuna haysta jeebka ama guntiga warqad uu ku qoran yahay, wuxuu illahey siinayaa mansab sare, rabitaankiisana wuu ku guuleysanaya, inshalaah

38- AL-KABIIRU

Yaa Kabiiru, isagoo leh qofkii waaya shaqadiisa ama jago uu lahaa oo sooma 7 cisho(bari), maalin kastana ku soo celceliya 1000 jeer magacan dib ayuu u helayaa booskiisii waliba dallacaad ayuu ku mutaysanayaa, qofkii maalin kasta magacan ku celceliya 100 jeer wuxuu illahay siinayaa xurmo iyo karaamayn dadka dhexdiisa ah. Inshalaah.

39- AL-XAFIIDU

Yaa Xafiidu, isagoo leh qofkii magacan ku celceliya ama jeebka ku haysta warqad uu ku qoranyahay, wuxuu xijaab uga noqonayaa halista iyo masiibooyinka iyo baadida qofkaas ka lunta. Inshalaah

40- AL-MUQIITU

Yaa Muqiitu, isagoo leh qofkii ilmo uu dhalay ama uu korinaayo uu ku madax adkaado oo intuu magacan koob biyo ku jiraan ku tufo oo uu cabo, ilmihiina cabsiiyo illahey wuxuu u sahlayaa muraadkiisa, ilmiihiina wuxuu uga dhigayaa mid baari ah. Inshalaah

41- AL-XASIIBU

Yaa Xasiibu, isagoo leh hadii uu qofku ka baqo shar Aadane ama wax kale sharkooda oo uu magacan ku celceliyo 70 jeer oo subaxdii ah iyo 70 jeer oo habeenkii ah mudo sideed cisho ah, isagoo ka bilaabaya maalin khamiis ah illahay wuxuu ka xijaabayaa shar insi iyo mid jiniba. Inshalaah

42- AL-KARIIMU

Yaa Kariimu, isagoo leh qofkii ku celceliya magacan xiliga uu jiifsanayo, aduunyada waxa lagu siinayaa xurmo, aakhirana wuxuu ka mid noqonayaa kuwa loo nimceeyey, qofkii doonaya ixtiraam iyo sharaf iyo in lagu tiriyo kuwa illahay ka cabsada waa inuu afka ku hayaa magacan ilaa uu ka hurdo. Inshalaah

43- AL-JALIILU

Yaa Jaliilu, isagoo leh qofkii magacan warqad ku qora oo cadar iyo sacfaraan mariya warqadii, oo haysta warqadaas, kuna celceliya magacan markasta wuxuu helayaa aqoonsi iyo mansab. Insahlaah

Walaalayaal manta halkaas haynoo joogto, waxaan mar kasta idin xasuusinayaa inaad aamintaan dawooyinka magacyada illahay ee suuban si illahay idinku daweeyo inshalaah.

Wabilaahi Tawfiiq